Anëtarësimi në NATO është e vetmja garanci e besueshme afatgjatë e sigurisë që Ukraina mund të marrë kundër agresionit të mundshëm të ardhshëm rus, tha Ministrja e Jashtme finlandeze, Elina Valtonen.

“Unë mendoj se në afat të gjatë, garancia e vetme e besueshme e sigurisë është anëtarësimi i Ukrainës në NATO. Ne mbështesim anëtarësimin e Ukrainës në NATO në të ardhmen e afërt dhe shpresojmë që nuk do të jetë në të ardhmen (shumë) të largët”, tha Elina Valtonen në Kiev, raportoiReuters.

Kthimi i Donald Trump në Shtëpinë e Bardhë më 20 janar rriti shpresat për një zgjidhje diplomatike të konfliktit në Ukrainë, por gjithashtu frikën në Kiev se një paqe e arritur shpejt mund të ketë një çmim shumë të lartë, sipas Reuters. Zyrtarët ukrainas, përfshirë presidentin Volodymyr Zelenskyi, u kanë kërkuar partnerëve të tyre garanci të forta sigurie që do të pengonin Rusinë të vendoste për një sulm tjetër./abcnews.al